Guyonan Sunda Pertandingan Tinju
Teu
ngahaja, Abu Nawas ningali loba pamflet bewara di sisi jalan, anu eusina rek
diayakeun pertandingan tinju ngalawan jawara kelas beurat. Ari hadiahna nyaeta
sakilo emas.
Puguh
we, Abu Nawas kapincut pisan ku hadiaha. Atuh teu talangke, terus bae daftar.
Pas daftar, panitia kacida kagetna ningali pangawakan Abu Nawas anu jangkung leutik
bari begang rek ngiluan tinju kelas beurat. "Naha teu sieun paeh?"
Kitu dina pikiran panitia.
Singketna,
jumlah peserta aya 10 urang, 9 urang geus dilumpuhkeu ku si jawara teu kungsi
sajam. Tinggal saurang deui, Abu Nawas. Ngan aya kana lima kali digeroan, Abu
Nawas teu nonghol.
Kulantaran
ambek, isukna si jawara datang ka imah Abu Nawas. "Digusur siah ku
aing," kitu dina pikirna. Barang nepi, katangen di imah Abu Nawas taya
jelema saurang-urang acan. Gebeg teh, si jawara ngagebeg satarikna, sabab di
hareupeun imah Abu Nawas aya sababaraha calana pondok paragi tinju anu badag
kacida.
Aneh
nya, ningali kitu si jawara ngadak-ngadak geumpeur campur keueung jeung sieun,
atuh kawanina jadi down. Dina gerentesna: "Waduh, Abu Nawas pasti jangkung
badag leuwih ti aing. Aing bisa paeh sakali neunggeul lamun kieu mah."
Ahirna
si jawara ngundurkeun diri da sieuneun ku Abu Nawas. Ceuk panitia mah
"WO" cenah. Ku sabab kitu, Abu Nawas diangkat jadi jawara. Nya puguh
we meunang emas sakilo. Hahah...
0 Komentar